"لبلب" محرك بحث عربي هينافس جوجل
لو عاوز تعرف أي حاجة في الدنيا بتعمل إيه؟ الإجابة عند ناس كتير ممكن تبقى "بفتح جوجل". في محركات بحث كتير جدًا، سمعت أو ماسمعتش عنها، بس سألت نفسك هل في محركات بحث عربي ولا لأ؟ سواء الإجابة اه أو لأ، مختبرات "لبيب" في الإمارات العربية المتحدة، عملوا محرك بحث عربي اسمه "لبيب" وأطلقوا منه نسخة تجريبية تقدر تشوفها من هنا
البيان الرسمي لمختبرات "لبيب" قال إن "لبلب" عبارة عن محرك بحث بيعالج المحتوى العربي على الإنترنت وهيساعد المستخدمين العرب إنهم يلاقوا اللي بيدوروا عليه. "لبيب" فيه ميزة كمان، هي إنه هيسمح للمستخدم يستثني صفحات ليها مواضيع معينة من نتايج البحث، البيان ذكر بالتحديد الصفحات الدينية والمنتديات ومواقع المنوعات، لأنها هي اللي بتسيطر على المحتوى العربي وبتمنعك توصل للمفيد.
لبيب بيعتمد على الذكاء الاصطناعي، ولو فتحته دلوقتي هتلاقي الأكثر بحثًا كالتالي: أبوظبي - الجنيه المصري مقابل الدولار الأمريكي - نورة الكعبي - محمد بن راشد آل مكتوم.
