محكمة ألمانية حكمت لصالح الخطوط الجوية الكويتية في القضية اللي كانت مرفوعة عليهم من مواطن إسرائيلي، السبب هو إن الخطوط الجوية الكويتية منعت مسافر إسرائيلي من ركوب الطيارة بتاعتهم، لما كان مسافر من فرانكفورت لبانكوك عن طريق الكويت. تصرف الشركة الكويتية كان بسبب قانون كويتي موجود من سنة 1964، وبيمنع أي مبادلات مع إسرائيل.

المحكمة الألمانية قالت إن اللي عملته الشركة مش تمييز عنصري، هو بس مجرد تطبيق صارم لقانون الدولة، وإن الشركة مش ملزمة بتنفيذ تعاقد بينتهك قانون بلدها. المجلس المركزي ليهود ألمانيا ماعجبوش الكلام ده، وعملوا بيان بيقول: "من غير المحتمل أن تتمكن شركة أجنبية تعمل على أساس قوانين وطنية معادية للسامية بعمق، من القيام بنشاطات في ألمانيا"، ووصفوا القانون الكويتي بإنه بيشبه نازية هتلر.