أوكرانيا في المركز الثاني. عدد السياح الأوكرانيين اللي زاروا مصر في 2017، 407.6 ألف سايح، بزيادة 116.7% عن السنة اللي فاتت، عاش شيفشينكو

3- السعودية:

السعودية في المركز الثالث، عدد السياح السعوديين في مصر، 363.3 ألف سايح بنسبة ارتفاع 27.4%، شكرًا للأشقاء، طال عمركم ومبروك الصعود لكاس العالم

4- السودان:

السودان في المركز الرابع، 200.8 ألف سايح سوداني كانوا في مصر في 2017، بنسبة زيادة 20.8%. حبيبي يا زول

5- الصين:

الصين في المركز الخامس، 179.3 ألف سايح صيني جم مصر في 2017، نسبة الزيادة عن السنة اللي فاتت 85.2، عندكم عدد السكان ميار و300 مليون وباعتين منهم 179 ألف؟ متشكرين يا صينين!

6- انجلترا:

إنجلترا في المركز السادس بعدد سياح 174.7 ألف، وده أكتر من السنة اللي فاتت بنسبة 27.8%، شكرا للبريمرليج.

7- ليبيا:

ليبيا مركز سابع، عدد السياح الليبيين اللي زاروا مصر من أول السنة 170.5 ألف سايح، بنسبة ارتفاع 20.6%. هما الليبين سياح يا جماعة؟ ده في ميكروباصات من عبود بتروح بني غازي!

8- الولايات المتحدة الأمريكية:

السياح الأمريكان في المركز التامن، عدد السياح من أمريكا في 2017 وصل ل 130.3 ألف سايح، بنسبة ارتفاع 19.2% عن السنة اللي فاتت. عادي يعني ما احنا باعتينلكم الفنان محمد كريم ينشطلكم السياحة ويحضرلكم مهرجانات.

9- إيطاليا:

إيطاليا في المركز التاسع، عدد السياح الإيطاليين اللي زاروا مصر في الفترة دي 128.2 ألف سايح، بنسبة ارتفاع 82.9% عن السنة اللي فاتت، يا ريت نخف عليهم مهاجرين غير شرعيين بقى.

10-الأردن:

الأردن في المركز العاشر، بعدد سياح 114.9 ألف سايح، بزيادة 19.9% عن السنة اللي فاتت. شدوا حيلكم شوية يا جماعة