شرطة دبي عملت أول شرطي طاير، أيوة زي ما سمعت كدة! الموضوع إن شرطة دبي عملت عجلة بتطير وبتشتغل بالكهربا، وممكن تطير لغاية ارتفاع 5 متر ومسافة 6 كيلو متر، والتحكم فيها بالريموت كنترول. العجلة الجديدة دي ممكن تطير لمدة 25 دقيقة بالبطارية، وساعة بالبرنزين.

العجلة ممكن تشيل وزن 300 كيلو غرام غير اللي بيسوقها، فممكن تستخدم في الأغراض المرورية ويطاردوا بيها المجرمين كمان. قبل كدة كانت شرطة دبي أعلنت انضمام أول شرطي آلي ذكي للعمل، ودلوقتي كمان بقى الشرطي العادي يقدر يطير!