الإمارات العربية المتحدة أعلنت عن بداية تنفيذ أكبر مشروع للطاقة الشمسية في العالم، بقدرة 700 ميجاوات وبتكلفة 14.2 مليار درهم إماراتي، يعني حوالي 60 مليار مصري. المشروع هيتم تنفيذه عن طريق تحالف سعودي صيني، اللي هما شركات "أكوا باور" و"شنجهاي إلكتريك". الهدف الأساسي من المشروع هو تخفيض سعر الطاقة ل 7 سنت، يعني حوالي 120 قرش مصري.

المشروع بيشمل تنفيذ أعلى برج شمسي في العالم، حوالي 260 متر، يعني أعلى حتى من برج القاهرة. دبي بتسعى إنها تستخدم الطاقة النظيفة بنسبة 75% بحلول سنة 2050، وده هيتم على كذا مرحلة، الأول هيوفروا 7% من الطاقة في 2020، و 50% في 2030، و75% في 2050. يعني يوصلوا ل75% طاقة نظيفة.