سياسي سويدي اسمه مارتن ستريد، عضو في اللجنة الإدارية للحزب اليميني "ديمقراطيو السويد"، احتمال الحزب بتاعه يطرده بعد ما عنصريته طفحت جامد وخليته يشتم المسلمين. الراجل قال كدة صراحة إن المسلمين مش بشر بنسبة 100%، مش فاهم هو كان يقصد إيه، بس شكلها شتيمة.

سترويد قال إن في مقياس بين 1 و 100، وأنت يا تبقى 100% إنسان أو 100% مسلم محمدي، نسبة لنبي الإسلام محمد، على حسب كلامه يعني. سبب كلامه هي العمليات الإرهابية اللي بتقوم بيها داعش، واللي وصل بكلامه لإنه يقول: "إذا كنت مسلما سابقا، فقد قطعت شوطا بعيدا لتصبح إنسانا كاملا"، أضاف كمان إنه عاوز يحرر المسلمين من الإسلام!

الشرطة المحلية في السويد استدعت الراجل ، غير إن رؤساء الأحزاب هاجموه  وقالوا إن تصريحاته عنصرية، ومستنين نشوف موقف حزبه، غير إن في مسلمين في السويد رفعوا عليه قضية.