الحكومة الكويتية بتصيغ لائحة جديدة لتنظيم الكتابة على وسائل التواصل الإجتماعي خاصة تويتر، صحيفة الأنباء الكويتية نشرت إن من بنود اللايحة، ممنوع الأكاونتات المزيفة أيا يكن السبب، أو إن شخص ينتحل شخصية إنسان تاني، لإن ده يعتبر نوع من أنواع الخداع، وبيربك ناس كتير

كمان هتمنع إنك تعمل أكتر من حساب واحد بهدف التأثير على رأي الناس التانية، زي اللي بيحصل مع اللجان الإلكترونية، واستطلاعات الرأي، وكمان هتمنع إن أي شخص يعمل صورة بروفايله صورة nude أو محتوى إباحي، أو حتى اللي بتظهر في الخلفية، أو ال Header

أو اللي يستخدم الأكاونت بتاعه كوسيلة لإزعاج أو مضايقة أو الاعتداء على الآخرين، كمان يمنع كتابة أي تويتات فيها تهديد أو أسلوب عنيف في الكلام، ويمنع نشر أي معلومات شخصية تخص المستخدم زي رقم البطاقة والكريدت كارد.