لاجئ فلسطيني بقدم واحدة بيتسلق جبل "إفرست" عشان يجمع تبرعات لدعم مدرسة للاجئين
جراح الحوامدة لاجئ فلسطيني عنده 22 سنة اتولد في منطقة الجوفة في جنوب عمان في الأردن، وهو عنده 15 سنة اضطر الأطباء لبتر رجله بسبب "سرطان العظام"، لكن فضل يروح مدرسته التابعة للأنوروا على كرسي متحرك. وبعد سنتين من فقدانه ساقه قرر إنه يبقى متسلق جبال ويبقى أول لاجئ فلسطيني متسلق وعنده طرف صناعي.
في 2015 قدر "جراح" يتسلق جبل كليمنجارو على ارتفاع 5100م، ودلوقتي مع تعرض مدرسته للخطر بسبب تخفيضات تمويل الأونروا قرر "جراح" يتسلق جبل افرست ويجمع مليون دولار عشان يحافظ على المدرسة مفتوحة، أطلق حملته #MyFirstStep أو #خطوتي_الأولى وبدأ الصعود في 2 أبريل، وفي وسط الظروف الجوية اضطر 9 من المتسلقين الـ11 اللي كانوا بيشاركوه ينزلوا وميكملوش المسيرة ويفضل هو وشخص تاني بس يكملوا الرحلة. درجة الحرارة بتوصل دلوقتي حوالي 13 درجة مئوية.
الاستاند آب كوميدي الأمريكية Sarah Silverman عملت فيديو بتدعمه فيه.
