المصرية "تريزا وديع"، المقيمة في مدينة ميلانو في إيطاليا، طلعت في فيديو بتطالب السلطات الإيطالية بإعادة ولادها، 10 سنين و6 سنين، ليها بعد ما صدر قرار بتبني عائلة إيطالية ليهم بدل عائلتهم المصرية.

"تريزا" قالت في تسجيل ذاعته قناة DMC، إن بسبب المشاكل الكتير مع جوزها اللي كانت بتحصل قدام الأطفال، السلطات أرسلت قوة بوليس عشان تنقل الأم وولاها لملجأ في مدينة برّه ميلانو، في الملجأ ده كانت مضطرة تصحى يوميًا من 5 الصبح عشان توصل أولادها للمدرسة. في آخر يوم في المدرسة، أخدوا ولادها لملجأ عشان يبقوا بعيد عن مشاكل الأم المتكررة، ومن يومين عرفت إن في عائلة إيطالية تبنتهم.

جوز "تريزا" ظهر في الفيديو وهو بيقول إنه اتصالح مع مراته ومستني رجوع أطفاله عشان يعيشوا حياة أسرية طبيعية.