• اكتب معانا
  • ماتنسناش
  • تابعنا
الموضوع اللي جاي
ست بتسوق أول أتوبيس نقل عام للستات بس في مصر
الموضوع اللي فات
ست ولدت 5 توائم في المنوفية

مدرسة اعتدت على تلميذة بمطواة

وقطعت هدومها

بعد شهور من وفاة والدتها، اتولت "رحمة سمير" مسؤولية أختها الصغيرة، وكان من ضمن المسؤولية دي المذاكرة ليها. ده اللي استفز مُدرسة "سندس سمير" صاحبة الـ 6 سنين، وعمل خناقة بين المُدرسة والطالبتين وخالتهم، انتهت برفع "مطواة" من المُدرسة عليهم، وتقطيع ملابس بنت منهم.

الموضوع بدأ في مدرسة السلام الإعدادية في بولاق الدكرور، لمَّا دخلت "رحمة" فصل أختها الصغيرة عشان تتكلم مع مدرسة الإنجليزي، بناءً على طلب الأخيرة اللي سألتها: "أختك بتاخد درس إنجليزي برَّه؟" فردت رحمة إنها مسؤولة عن المذاكرة لأختها. الأمر اللي استفز المدرسة وردت عليه بالسب والتهديد، قبل ما تتدخل خالة الطفلتين والموضوع يكبر وتوصل لضرب بالأيادي وضرب الطفلة على وشهها وتقطيع ملابسها بالمطواة، حسب كلام "رحمة". مدير المدرسة هرَّب المُدرِّسة من باب جانبي قبل وصول والد الطفلتين، واتحفظ عليهم هما وخالتهم في مكتبه.

حسب كلام "رحمة" ووالدها "سمير أحمد محمد"، المُدرِّسة راحت تاني يوم المدرسة ومارست عملها عادي وطلبت من التلاميذ شهود الواقعة إنهم مايحكوش شافوا إيه.

"سمير" اتوجه للإدارة التعليمية في الجيزة عشان يبلَّغ عن الواقعة، وأشاد بدور مدير الأمن والنائب عمرو أبو اليزيد، اللي ساعدوه وكانوا عون ليه حسب وصفه. وطالب بفصل المدرسة "سحر محمد" من وزارة التربية والتعليم لإنها لا تصلح لتكون مربية أجيال. من ناحيته، قدِّم النائب "عمرو أبو اليزيد" بيان عاجل لرئيس مجلس الوزراء، ووزير التربية والتعليم بخصوص الواقعة.

Home
خروجات النهاردة
Home
Home