"حزب الله" اللبناني عمل لعبة اسمها "الدفاع المقدس" عشان تحكي عن اللي بيحصل في سوريا من وجهة نظر الحزب، وحربه هناك. اللعبة بتبدأ ببطل بيدخل مقام السيدة زينب في دمشق اللي بيتعرض للهجوم، وبعد كده بيكون موجودة في اوضة فيها صورة "حسن نصرالله" قبل ما يقرر يشيل السلاح وينضم لمقاتلين حزب الله، ويبدأ من معركة للتانية يحارب "الفصائل المسلحة" في سوريا ويقضي على خصومه الافتراضيين. 

حزب الله بدأ القتال في سوريا بشكل علني من 2013 لصالح نظام بشار،وضد الفصائل المسلحة اللي منها "داعش" واللي ظهرت من خلال رايات "مموهة" أو عبارات على الجدران زي "داعش مر من هنا"، وبتنتهي اللعبة بمعركة في رأس بعلبك اللبنانية الحدودية. 

دي مش اللعبة الأولى اللي يعملها حزب الله، كان فيه قبلها لعبة عن حرب اسرائيل في جنوب لبنان. وقال حزب الله انه اللعبة هيكون ليها اجزاء تانية وهيكون فيها قتال في اماكن تانية غير سوريا. 

واطلق حزب الله اللعبة في احتفال رسمي عمله يوم الأربعاء في مكانه في بيروت، وقالوا إن اللعبة هتعرف الناس التضحيات وازاي عمل المقاومين صعب.