شركة "سيكو" اللي سبق وأنتجت أول تابليت محلي الصنع، انتهت من صنع أول موبايل مصري باسم Nile X. الموبايل 45% إنتاج مصري، بيدعم تكنولوجيا الجيل الرابع، شغَّال بنظام اندرويد وهيبقى ليه مراكز صيانة ودعم فني في كل أنحاء مصر.

النص الأول من المرحلة الأولى من الإنتاج هيتم تصديرها للأسواق العربية والأفريقية، وفي مصر هتكون الشركة المصرية للإتصالات WE مسؤولة عن توزيعه بالتعاون مع وزارة الإتصالات. الموبايل في منه 8 موديلات وأسعارهم هتبقى من 200 جنيه ل 4 آلاف.

تم تصنيع الموبايل في شركة "سيكو مصر" بمجموع استثمارات وصل لـ 400 مليون جنيه في المنطقة التكنولوجية في أسيوط، ومر على خمس خطوط إنتاج. طاقة المصنع الإنتاجية حوالى 1.8 مليون جهاز في السنة، وعدد العمالة هناك 500 بين مهندس وفنى وعامل وإداري، منهم حوالي 200 واحد من محافظة أسيوط.