السلحفاة البحرية "لوجر هيد" هي سلحفاة نادرة بتعيش في البحر المتوسط ومهددة بالانقراض، فيه ست لاقيتها وحاولت تربيها في بيتها، لكن السلحفاة ماتكيفتش في البيت، فوديتها الست المصرية لحديقة الحيوان في الجيزة. 

في حديقة الحيوانات نجح فريق من الأطباء البيطرين في إنقاذها بعد ما اكتشفوا إنها مصابة بالجفاف وتيبس في حركة زعانفها الأمامية لبعدها عن الحياة والسباحة في المياه المالحة وإنها محتاجة نظام غذائي خاص بيها، وبعد خضوعها لعلاج مكثف لمدة 3 أسابيع وإنقاذها من الموت، تم إطلاقها في بيئتها الطبيعية بشاطئ محمية أشتوم الجميل في بورسعيد.