“انقل” تعتبر أول شركة بتوفر خدمات طلب سيارات النقل والأوناش والمعدات المختلفة باستخدام أبلكيشن. الشركة قالت إن المرحلة الأولى هتقتصر على توفير الأوناش لنقل كل أنواع العربيات والموتوسكيلات، وده من خلال ٢٠٠ ونش للخدمات العاجلة. المرحلة التانية، الشركة هتوفر عربيات ربع نقل ونص نقل وتريلا وعربيات لنقل العفش لكل مكان في الجمهورية، اما بالنسبة للسداد، ممكن يبقى بالدفع النقدي أو كريديت كارد وفوري.

الشركة نشرت على موقعها الإلكتروني، إن هدفها تقدم أحسن خدمة للعملاء بشكل سريع وآمن. الفكرة ابتدت عن طريق ٥ رجال أعمال من أمريكا وألمانيا ومصر، وبنهاية سنة ٢٠١٦، شركة “انقل” خدت ترخيص العمل للادارة العامة للاستثمار واتسجلت كشركة مساهمة مصرية برأس مال قدره ٥٠ مليون جنيه.