"البالطو" هيريحك من المشاوير البعيدة او انك تلبس وتنزل تروح لدكتور عشان شوية برد، ببساطة هو عبارة عن ابليكيشين جديد تقدر تطلب من خلاله استشارة طبيب مرخص من خلال دردشة الفيديو أو حجز استشارة في نفس اليوم. 

محمود عبدالله الشريك المؤسس للفكرة قالنا إنه أغلب الأطباء في مصر متركزين في مناطق معينة، وممكن بعد ما توصلهم بعد مسافة كبيرة تلاقي الدكتور مجاش ويضيع جزء كبير من يومك، وعشان كده جت فكرة "البالطو"، اللي من خلال زرار فيه تقدر تطلب استشارة بدردشة فيديو مع دكتور من تخصصات مختلفة، وبتقدر تختار الدكتور اللي انت عايزه بناءًا على التقييمات السابقة ليه، وسعر الاستشارة 95 جنيه. 

اما بقى لو الموضوع مش مجرد شوية برد ومينفعش اونلاين، تقدر تطلب دكتور أو ممرضة أو ممرضة مساعدة أو اخصائي علاج طبيعي يجيلك لحد البيت وتختار طريقة الدفع اللي تريحك، وتحط عنوان بيتك كأنك بتطلب أوبر بالظبط، لحد دلوقتي التخصصات في بالطو فيها طب نفسي وطب أطفال وتغذية وأمراض نساء وجراحة عظام وقلب، لكن الزيارة المنزلية مقتصرة على العظام والقلب بس، لكن المؤسسين قالولنا انه قريب جدًا هيغطوا كل التخصصات.

The app is now available on iOS and Android.

وممكن تعرف أكتر عنهم من هنا.