أعلنت وزارة الصحة في غزة عن توقف تقديم العلاج الكيمائي لمرضى السرطان في المستشفى الرئيسي منذ صباح الأحد 12 أغسطس، بسبب نفاذ العلاج الكيمائي ونفاذ عقار النوبوجين المستخدم لرفع المناعة للمرضى

ومع نقص العلاج وارتفاع أعداد المرضى، بيبقى لازم الحصول على تصاريح عشان يتعالجوا بره غزة. منظمة الصحة العالمية بتقول إن التصاريح دي وصلت أقل مستوى ليها في عام 2017، وتم الموافقة على 54% بس منها، لكن منسق الحكومة الإسرائيلية بيقول إن إسرائيل تابعت 28 ألف طلب تصريح طبي في النصف الأول من 2018، ووافقت على أكتر من 50% منها.

مفيش في قطاع غزة أي مركز للعلاج بالإشعاع، وعشان كده الفلسطينيين بيروحوا مستشفيات فلسطينية في القدس الشرقية، لكن ده بعد ما ياخدوا تصريح عسكري من إسرائيل عشان يقدروا يعدوا معابر غزة.

الحل التاني قدام سكان غزة هو معبر رفح والوصول لمصر، لكن ده مش حل سهل عشان المعبر اتفتح 36 يوم فقط في 2017.

تقرير منظمة الصحة العالمية بيقول إن 54 مريض ماتوا في 2017 وهما منتظرين تصريح العلاج، منهم 85% كانوا محتاجين فحوصات تخص السرطان..

وقال دكتور خالد ثابت ، مدير مركز الأورام في مستشفى عبد العزيز الرنتيسي في غزة، لبي بي سي إن بعض الحالات مفيش أمل في شفائها لأنه مع نقص العلاج الكيمائي ونقص العلاج الإشعاعي والرفض الأمني للتصاريح يبقى  المريض هيموت.

مصدر التقرير: BBC Arbic