محمد نوفل شاب مصري قرر إنه هيشارك في تشجيع منتخب مصر بطريقته. المنتخب خلاص على أعتاب كاس العالم وعندنا ماتش حاسم يوم 8 أكتوبر ضد الكونغو في برج العرب، نوفل هيروح من القاهرة لإسكندرية على عجلته، وهيشجع مصر من مدرجات ستاد برج العرب. موقع "مصراوي" اتكلم مع نوفل وحكالهم ترتيبات رحلته.

بيقول نوفل إنه مش هيسافر لوحده، لكن اتفق مع جروب من 20 شخص، هيتحركوا سوا من القاهرة لبرج العرب. حسب كلام نوفل لمصراوي، التحرك هيكون يوم الجمعة 6 أكتوبر، وفي اليوم الأول هيوصلوا لحد طنطا ويباتوا هناك، وتاني يوم هيتحركوا من طنطا لإسكندرية، الوصول هيكون يوم الماتش بالليل.

نوفل مش أول مرة يعمل التجربة دي، المرة اللي فاتت كانت الرحلة الأطول، ساعتها نوفل راح بالعجلة لحد الجابون علشان يشجع مصر وقدر ينجح في رحلته. 

الصور من موقع: مصراوي