الشريك والرئيس التنفيذي لشركة “كريم” في السعودية، أكد إن الشركة جاهزة لتسجيل السيدات للعمل ككابتن في الشركة، بعد النجاح الكبير للتجربة في الإمارات ومصر، وأكد إن فكرة تعيين ستات هيعزز من تجربة العميلات في خدمة هتبقى أمان أكتر. الخطوة دي منطقية أكتر بعد قرار المملكة الأخير بالسماح للسعوديات بقيادة السيارات، فغالبًا هنلاقيهم كمان بيسوقوا تاكسيات وعربيان تقل خاص.

 شركة كريم ابتدت في ٢٠١٢، وخلال ال٥ سنين اللي فاتت شهدت نمو عدى ال٣٠٪ كل شهر. الشركة حالياً موجودة في  أكتر من ٥٠ مدينة في السعودية، وقدمت ملايين المشاوير الناجحة مع مئات الآلاف من الكباتن.