سفريات إسكندرية وراس البر وبلطيم كانت فقرة ثابتة كل صيف، خصوصًا لأبناء الطبقة المتوسطة اللي بيلاقوا فيها مصيف لطيف وعلى قد الإيد. متقلقش من الدولار والأسعار، صحيح الظروف الاقتصادية خلت كل حاجة أغلى، بس لسه في مصايف وأماكن كتير متاحة ليك علشان تقضي فيها أجازة 5 أيام لشخصين، وبسعر مايزيدش عن 3 آلاف جنيه، ومنها أماكن أكيد ماروحتهاش قبل كدة وهتبقى تجربة جديدة بالنسبالك.

نويبع

فندق  (4 نجوم) HelnanNuweiba Bay Resort 

ممكن تروح نويبع خمس أيام وأربع ليالي، هتقعد في أوضه لشخصين بتبص على البحر، شاملةالفطار بـ1200 جنيه أو فطار وعشا بـ1900 جنيه. الدنيا هناك هادية والسمك والشعب في نويبع غير، وهتقدر تشوف ده بسهولة وأنت بتغطس في منطقة (هيلتون هاوس).
علشان تحجز كلمهم على: 20693500401

راس شيطان
فندقBedouin Star في راس شيطان في طريق طابا (3 نجوم)

رأس شيطان مخيم بدوي بتحاوطه الجبال وبحره مليان شعاب مرجانية والأسماك النادرة، ومن أحسن أماكن الغطس في مصر. هتقضي فيها خمس أيام شامله الفطار بـ1450 جنيه. الفندق كمان بيسمح باصطحاب الحيوانات للناس اللي ماتقدرش تسيب حيواناتها وتسافر.
وعلشان تحجز ممكن تكلمهم علي الرقم ده:
01002617272

مرسى علم
فندق Moon Resort بمرسى علم (4 نجوم)
الكيلو 1 طريق مرسي علم

لو هتروح مرسي علم يبقي لازم تزور وادي الدرافيل،المكان ده يعتبر من أجمل وأندر مناطق البحر الأحمر وفيها أكتر من 5000 دولفين. وهناك هتكون في أوضه لشخصين بتبص على البحرشاملة الفطار بـ1200 جنيه. وعلشان تحجز كلمهم على:
012 2272 0514

سيوه

فندق Siwa Shali Resort بسيوه (3 نجوم)
جبل الدكرور,اوسيس,سيوه

جايز تستغرب إن سيوة في الليست علشان سيوة مش مصيف، بس أضمنلك إن أجازتك هناك هتكون سعيدة. سيوة معروفةكمدينة بيجيلها السياح من العالم كله بغرض العلاج علشان الآبار والعيون الطبيعية اللي فيها والرمل اللي بيستخدم في العلاج البديل. هتزور كل ده وهتقعد في أوضة لشخصين بتبص على حمام سباحةشاملة الفطار والعشاء بـ1800 جنيه. وكمان الفندق فيه إنترنت في الأوض. علشان تحجز كلمهم على رقم:
01287967796

الفيوم
فندق Byoum Lakeside بالفيوم
(4 نجوم)

الفيوم مصيف؟ جديدة دي!الفيوم مشهورة ببحيره قارون وشلالات وادي الريان والساند بوردينج على الجبال الرملية اللي فيها. ممكن تجرب كل ده في فندق بيبص على البحيرةأو حمام سباحة،وفيه إنترنت.الأوضة لشخصينشاملة الفطار والعشا بـ2650 جنيه
احجز على رقم:
01212155551

النوبة
فندق Ekadolli Nobian Guest House في غرب سهيل,أسوان (3 نجوم)

النوبة،الأثار المصرية والشلالات ونهر النيل اللي ممكن تشوفه من بلكونة أوضتك في الفندق لما تقعد خمس أيام في أوضة لشخصين شاملة الفطار. المكان مكيف وديكوراته نوبية ومش هيكلفك أكتر من 1800 جنيه بس. احجز على رقم:

01111416243

وادي لحمي
فندق Wadi Lahmi Azur Resort  

وادي لحمي مكان مش معروف بالنسبة لناس كتير, بيكون على بعد 120 دقيقة من مرسى علم. المكان هادي وهتلاقي فيه نقاء البحر الأحمر والخيم البدوية. الفندق اللي هناك عبارة عن منتجع هتقعد فيه 5 أيام في أوضة لشخصين إقامة كاملة ب2500 جنيه.

احجز على رقم:

01065514920

القصير
فندق Fanadir Resort 

 شارع الجمهورية, مدينة القصير.

مدينة القصير فيها آثار من الحضارة الإسلامية والقبطية والرومانية زي ضريح "أبي الحسن الشاذلي" وآثار تانية كتير, وغير كدة ممكن تقعد في منتجع ع البحر بفطار وعشا لمدة 5 أيام بـ2000 جنيه. ومنه تقدر تزور كل الآثار والأماكن السياحية. احجز على الرقم ده:
012755 22714