"صلاح عزازي" مصري من قرية "الكفر القديم" التابعة لمركز ومدينة بلبيس بمحافظة الشرقية، فاز بالميدالية الذهبية، وزن 90 كيلو جرام، والميدالية الفضية في الوزن المفتوح في بطولة العالم ل"الكيك بوكسينج" واللي اتلعبت في البرتغال. عزازي عنده 49 سنة ومهنته الأساسية فلاح، إلى جانب كونه رياضي، واشتكى من تجاهل وزارة الشباب والرياضة ليه وإنهم ماقدموش أي دعم للفريق المصري في البطولة.

حسب عزازاي، وزارة الخارجية كانت متعاونة جدًا، والفريق مهاب مميش، رئيس هيئة قناة السويس وفرله كل الدعم والمساندة. عزازاي مش أول بطولة عالم يكسبها، هو بطل العالم في الكيك بوكسينج في 2004 و 2005 و 2016، وكان حقق المركز الرابع في بطولة إيطاليا سنة 1999.