هند صبري خدت جايزة «AMM»، المعروفة عالميًا بـ«ميديا أوورد»، من مساعدة وزير الخارجية الأمريكية السابقة باولا دوبيرنسكى في العاصمة الأمريكية واشنطون، وفورًا أهدت الجايزة للفنانة الكبيرة شادية، اللي وصفتها بـ«الأسطورة العربية التي ألهمتها في مشوارها الفنى» وأتمنت لها الشفاء العاجل. الجايزة استلمتها هند خلال حفل عشاء بمقر الأكاديمية، تقديرًا لمشوار هند صبرى السينمائى وإنجازاتها الفنية.

المسؤولين عن الأكاديمية اتكلموا عن تناول هند لقضايا مهمة وصعبة في أفلامها، وجديدة كمان بالنسبة للوطن العربى، زي الإصابة بالإيدز في فيلم أسماء، والعنوسة في مسلسل عايزة أتجوز، والفساد السياسى في مسلسل فيرتيجو، وقضية داعش في فيلمها التونسى اللي شاركت كمان في إنتاجه سنة 2016، زهرة حلب، مع المخرج رضا الباهى.

من ناحيتها، اتكلمت هند في الحفلة عن أهمية الاختلاف وتقبل الآخر وضرورة احترام الاختلاف ده وتقديره بدل محاربته. كان حاضر حفل تسليم الجايزة عدد كبير من النجوم الأمريكيين والشخصيات العامة، منهم السفير التونسي بأمريكا، والسفير المصري بواشنطن، والمخرج العالمي الأمريكي جاك بيندر، مخرج لعبة العروش.