شاب من جمعية "صوت كفر الدوار"، كان لابس بابا نويل وبيوزَّع هدايا على الأطفال بمناسبة رأس السنة، فاجأه شاب وطلَّع مطواة وقاله "يا تتصور معايا وتدّيني لعبة يا أغُزك"! بسرعة اتصور بابا نويل مع صاحب المطواة، وادَّاله اللعبة.

مسؤول الجمعية، "هيثم السيد عبد العزيز"، قال إنهم حاولوا يحتوا الموقف من غير إثارة مشكلة، فـ هما "مش عارفين ظروفه إيه". ووضح إنهم طالبوا أهالي الأطفال، عن طريق الفيسبوك، بإرسال طلبات أطفالهم اللي عايزينها من بابا نويل. وبالفعل لبس شاب منهم بابا نويل ووصَّل الهدايا للمناطق حسب العناوين المكتوبة في الجوابات.