العالم كله بيمر بظرف صعب بعد ما تم تصنيف الكورونا إنها "جائحة"، الكل بيخاف ويقلق، بس السبيل الوحيد إننا نعدي كل ده إننا نكون مع بعض، وعشان كده اورنچ بتقربنا للي بيهمونا وبتنفذ كلامها زي ما وعدتنا "نقربك للي يهمك"، وبتخلينا كلنا نكون مع بعض، واورنچ مصر بدأت بنفسها وكانت معانا وخدت إجراءات عشان تساعد مصر تعدي الأزمة دي ونعبر كلنا لبر الأمان.

اورنچ اتبرعت بـ5 مليون جنيه بالتعاون مع وزارة التضامن الاجتماعي عشان يتكفلوا باحتياجات الآف الأسر من العمالة اليومية، اللي بيكسبوا قوت اليوم بيومه، واللي خسروا أعمالهم ومصدر دخلهم في وسط أزمة فيروس كورونا، اورنچ مصر بتساهم في ده إيمانا منها إننا "مع بعض، هنعدي الصعب".

اورنچ ساهمت في المبادرة اللي بتقودها وزارة الاتصالات وتكنولوجيا المعلومات في توفير صناديق غذائية لمليون شخص متضرر من الوضع الحالي وتساهم في إنهم يكونوا متطمنين على أكلهم، والمبادرة شملت جميع شركات الاتصالات في مصر.

ولأن المعركة اللي احنا فيها دي أكبر جيش مفروض ندعمه هو "الجيش الأبيض" اورنچ قدمت باقات إنترنت إضافية ومكالمات للدكاترة، عشان يقدروا يقوموا بدورهم ويتواصلوا مع عائلاتهم ومرضاهم.

ولأن الشركة مش بتنسى المستخدمين فكانت أول مشغل اتصالات في مصر يعمل حملة "stay safe" أو "أبقى آمن" اللي كانت بتظهر على الموبايلات لعملاء اورنچ جنب اسم الشبكة عشان تزود الوعي باتباع الارشادات اللي بتضمن سلامتنا كلنا وبتقلل فرص انتشار فيروس كورونا.

مبادرة البقاء الآمن تضمنت كمان النصائح التحذيرية اللي بتخص الفيروس، لو اتصلت بخدمة العملاء أو لو روحت أي من مقرات الشركة هتلاقيها على الشاشات، عشان تضمن اورنچ إن كل عملائها بخير وسلامة.

ولأن سلامة الموظفين أولوية فاورنچ من أول لحظة بدأت اتخاذ جميع الإجراءات الاحترازية اللازمة لضمان سلامة موظفيها مع ضمان استمرارية العمل من خلال الطريقة دي:

اورنچ ملتزمة بكل قياسات ومعايير الصحة والسلامة اللي عملتها وزارة الصحة المصرية ومنظمة الصحة العالمية لمنع انتشار فيروس كورونا في كل مقراتها وفروعها.

الشركة بدأت في استخدام أجهزة قياس الحرارة بالأشعة تحت الحمراء للكشف عن درجة حرارة كل الموظفين لما بيوصلوا أماكن عملهم ومنع الزوار من دخول المقر الرئيسي والتحقق من أي زائر جاي من بره، عشان نقلل نسبة انتشار العدوى.

الشركة ركبت أجهزة تعقيم ومطهرات في كل مبانيها وأماكنها، ووزعت كمامات وقفازات في جميع المتاجر لضمان سلامة الموظفين والعملاء. وبشكل مستمر اورنچ بتعقم كل الأسطح والأسانسيرات وأي مكان ممكن تلمسه جوه المقرات، مع توفير تهوية كافية خلال ساعات العمل الرسمية.

واستجابة لتعليمات منظمة الصحة العالمية، مجموعة اورنچ أصدرت توجيهات لكل شركاتها بتعليق رحلات العمل والسفر للخارج، والتقليل من رحلاتها الداخلية والمحلية لحد نهاية شهر مايو عشان نقلل فرص انتشار المرض ونحد منه.

اورنچ كمان طبقت سياسة "العمل من المنزل" على الأقسام اللي ينفع تعمل كده وماتكونش موجودة في الشركة حفاظا على صحة الموظفين واتباع تعليمات الدولة عشان نقلل من زحمة الناس في أماكن العمل، الموضوع ده كان عايز مستوى عالي من الكفاءة والاحتراف واستخدام لتطبيقات اورنچ والتقنيات الحديثة عشان يفضل الشغل بنفس المستوى.

ولأن اورنچ بتهتم بصحة كل موظفيها فمنحت إجازة مدفوعة الأجر لأسبوعين للي بيعانوا من حالات طبية مزمنة زي أمراض القلب وأمراض الرئة والسكري والحالات الطبية الأخرى. وطلبت من كل الموظفين إنهم يتبعوا إجراءات السلامة في كل حياتهم ووزعت عليهم نشرات فيها كل التعليمات.

مع بعض هنعدي الصعب.