سينجل؟ وماله مش عيب. طب سينجل يوم الفلانتين؟ مايهزكش عادي برضه، عشان أوبر قررت تظبَّطنا يوم الفلانتين وتحمينا من حرب الدباديب والورود الحمرا اللي بنقابلها في الشوارع اليوم ده. عايز تعرف ازاي؟ في Uber Singles Survival Kit ..

زي ما أوبر وقفت معانا في الوقت الصعب، هتقف، بالتعاون مع كلوريتس وكادبوري و iFlix، مع كل وحيد سينجل يوم الفلانتين (14 فبراير) وتدّيه Kit فيها خيرات الله الكتير، اللي هتساعده يقضي اليوم بأقل قدر من الخسائر. هتختار uberVALENTINE يومها عشان يجي لك أوبر ويدّيك الـ Kit، ببلاش ومن غير ما تحتاج تطلب Ride، اللي هتلاقي فيها اشتراك iFlix لمدة شهر كامل، عشان تشوف مسلسلات وتدلَّع نفسك، لوحدك، فشار يتعمل في الميكروويف عشان تاكله وأنت بتتفرج، مناديل يعني عشان لو مشاعرك اتحركت شوية، شوكولاتات كادبوري ينسّوك الدمعتين اللي نزلوا، ولبان كلوريتس عشان تمضغ براحتك بعد الشوكولاتة، وردة على شكل شمعة عشان القعدة تبقى شاعرية، بس برضه لوحدك، وكرة ضغط ( Stress Ball)على شكل قلب عشان تهدّي أعصابك وتخرج من اليوم هادي ومبسوط.