زمان كانت كلمة "مذيع" ليها شنّة كبيرة، لأسباب كتير، منها إنها مش وظيفة سهل ناس كتير توصلها. لو بتحلم تبقى مذيع هتقابلك أسئلة زي: شكلك إيه؟ وسطتك إيه؟ هتتنازل عن أفكارك لأي مدى؟ لحسن حظنا وحظ الأجيال اللي جاية، الموضوع دلوقتي اختلف كتير، والفضل الأول للانترنت والأخير لمواقع التواصل الاجتماعي والسوشيال ميديا. يعني لو الانترنت خلّى العالم قرية صغيرة، فـ السوشيال ميديا خلِّت كل الناس قادرة توصَّل صوتها وفكرتها وتتعرف، كل الناس؟ أيوة كل الناس، خصوصًا مع وجود مساحات زي ALTV الموضوع مابقاش صعب.

أيًا كانت طبيعة أفكارك اللي عايز توصَّلها على السوشيال ميديا، ALTV هتوفرلك المعدات والإمكانيات اللي هتعوزها للتصوير بشكل احترافي، والمكان اللي هتصور فيه. وقبل خطوة التصوير، هتقدم لك ورش عمل واجتماعات مع صناع محتوى زيك عشان تتناقشوا في أفكاركم وتخرجوها بأحسن شكل ممكن.

لو عندك فكرة فيديو ومش عارف تبدأ التنفيذ ازاي، ممكن تقضي يوم مع ALTV Creative studio تنفذ فيه فكرتك، من أول تطوير الفكرة، وبعدها التصوير والمونتاج، ولحد نشر الفيديو من خلالهم برضه. اليوم ده بيتكرر 3-4 مرَّات في الشهر الواحد، احجز مكانك في يوم من دول من هنا. 

اعرف عن ALTV أكتر من هنا عن ALTV Creative Studio من هنا.

بعد ما تعدي مرحلة تحضير الفكرة، وتصورها بشكل احترافي يرضيك، هتيجي مرحلة تسويق الفيديو، وهنا يا هتبقى ممل أوي يا مميز أوي، التسويق هو كلمة السر. لو نحجت في توصيل فكرتك للناس وجذب انتباههم، هتبقى عندك فرصة تعرض محتواك بشكل ثابت من خلال ALTV  زي الـ Makeup Vlogger "ليلى عطوة" وغيرها.

"الفرصة أقرب مما تبدو عليه في المرآة"، ده شعار ALTV Creative studio، ماتترددش ووصل صوتك واوصل لجمهور السوشيال ميديا معاهم وبمساعدتهم.