مصممة أزياء سعودية صممت فستان لجينيفر لوبيز
المصممة السعودية "سارة آل سعود" وأختها، العالم كله بيتكلم عليهم بعد تصميماتهم، التصميمات ممكن تخليك تستغرب ازاي بنت سعودية عاملة تصميمات شيفون ودانتيل، وفساتين طويلة كلاسيك، جواكت مقطعة وألوان مجنونة، بأسماء عربية، وفساتين جريئة. وسارة بتقول إن ده بسبب نشأتها في إنجلترا وأمريكا، وده اللي خلاها تستهدف فئة مختلفة من الزباين.
المصممة السعودية بتقول إن الهدف الأول من تصميماتها هو "رسالة قوية عن تمكين المرأة، وتشجيعها على التعبير عن نفسها، وتقبل الاختلافات بدل ما تسعى للاندماج مع الآخرين". وبتقول إن الاعتقاد السائد بإن الست في الشرق الأوسط متحفظة، ده اعتقاد غلط، وإنها دايمًا شيك ومواكبة للموضة.
من أهم النجوم اللي لبسوا من تصميم سارة "نيكي ميناج وجينيفر لوبيز"، ولما اتسألت مين أكتر نجمة في العالم العربي تحب تصمملها قالت "هيفاء وهبي".
