هاني شاكر نقيب المهن الموسيقية، وجه الشكر في بيان صحفي للجهات الأمنية، عشان استجابوا ليه ولغوا حفلة مغني المهرجانات حمو بيكا، واللي كانت مفروض تكون امبارح الجمعة في منطقة العجمي. "شاكر" كان أعلن إنه مش مبسوط من التردي الفني اللي بيحصل وإن ناس زي حمو بيكا بينتحلوا صفة مطربين بدون ترخيص، وأكد إنه هيت ملاحقة "بيكا" قضائيا عشان يحمي الفن والمجتمع من الظواهر السلبية، على حد تعبيره.

وبالفعل قامت الشئون القانونية ولجنة العمل بالإسكندرية، بتحرير محضر رقم 13812 لسنة 2018 قسم الدخيلة، ضد حمو بيكا واتهامه بالغناء بدون ترخيص وتلويث الذوق العام، وطلب شاكر من جميع لجان العمل بالقاهرة والمحافظات إنهم مايطلعوش أي تصاريح عمل لحمو بيكا ومجدى شطة.