علّق صبري عثمان، المنسق العام لخط نجدة الطفل، على واقعة خطوبة طفلين بكفر الشيخ، وقال إن تبرير أولياء الأمور للواقعة مخالف للواقع ولقانون الطفل والدستور المصري.

"صبري" قال في مداخلة هاتفية ببرنامج "مساء دي إم سي": إنه هيتم تقديم بلاغ للنائب العام ضد الواقعة، وإخطار لجان حماية الطفل، وجمعيات الطفولة في المحافظات لاتخاذ اللازم، وأشار إن تم اختراق المادة 96 من قانون الطفل واللي بتنص على عدم تعريضه للخطر وقال: "مفيش حاجة اسمها نضج في سن صغير، والبنت معندهاش مهارات لاكتشاف الذات، ولا تقدر تتحمل مسؤولية، حافز إيه اللي بيتكلموا عليه، الأطفال دي هتنشغل عن دراستها"، وأكد على ظهور أضرار نفسية على الأطفال في المستقبل.