المهندس المصري عصام جاد عبد الكريم، عضو بعثة الري المصرية بأوغندا، تحديدًا مدينة جنجا الأوغندية، حفر بئر مياه نضيفة  للشرب، بعمق 30 متر، على حسابه الشخصي لأهل القرية اللي كان بيشتغل فيها، بعد ما عرف إن أقرب مصدر للمياه النضيفة موجود على مسافة 5 كم من القرية، فحفر بئر يخدم بيه أكتر من 150 أسرة وحوالي 1000 شخص.

"عبد الكريم" خلص مؤخرا فترة شغله في أوغندا ورجع مصر وقابل وزير الري الدكتور محمد عبد العاطي، اللي أكد إن اللي عمله المهندس عصام دور بيعتبر دور اجتماعي مهم للبعثات المصرية ونوع من الاندماج مع السكان المحليين. البعثات المصرية كمان عملت مجموعة خزانات وسدود في أوغندا، سعة كل خزان 10 آلاف متر مكعب، عشان يستفيد السكان المحليين من مياه الأمطار.