المهندسة أمل مبدة، رئيس الاتحاد الرياضي المصري للإعاقات الذهنية، قالت إن وصلها جواب من وزارة الشباب والرياضة بالمكافآت المالية اللي هيتم صرفها للأبطال الرياضيين من ذوي الاحتياجات الخاصة، وإن المبالغ المصروفة ليهم بتساوي نفس المبالغ اللي بيتم صرفها للأبطال الرياضيين الأصحاء.

"مبدة" أكدت لجريدة الوطن إن الجواب كان مفاجأة سعيدة ليها وللاعبين والمكافآت المالية كانت بين 50 و 100 ألف جنيه لأبطال العالم من ذوي الاحتياجات الخاصة. وأضافت إن اللاعبين اللي في الاتحاد بتاعها معظمهم من مستويات مادية متواضعة ومحتاجين فلوس المكافآت دي وإنهم قبل كده ماكانوش بياخدوا أي فلوس.