لاعب مصري بقى أول التصنيف العالمي في لعبة الاسكواش تحت 13 سنة
الطفل المصري عبدلله عمرو احتل المركز الأول في تصنيف لاعيبة الاسكواش على مستوى العالم، فئة 13 سنة. عبدلله بيكمل سيطرة اللاعيبة المصريين في كل الأعمار على لاعبة الاسكواش. عبدلله نط من المركز التالت في التصنيف العالمي للمركز الأول، بعد ما كسب بطولة فلندا الدولية، واللي بيتابعوا البطولة سموه "الفرعون الصغير".
عبدلله بترعاه شركة "مصر للطيران" وهي اللي بتتحمل مصاريف سفره ومشاركته في البطولات العالمية، وحسب كلام والده، مش لاقي أي اهتمام من اتحاد الاسكواش أو وزارة الشباب والرياضة، وقال إن مافيش حد بعت لابنه جواب شكر حتى.