قررت الشركة المصرية لإدارة وتشغيل مترو الأنفاق، مد ساعات العمل بخطوط المترو التلاتة لحد الساعة 2 بعد منتصف الليل بداية من ٢١ يونيو 2019 بالتزامن مع انطلاق بطولة كأس الأمم الأفريقية اللي بتستضيفها مصر.

أحمد عبد الهادي، المتحدث باسم الشركة المسؤولة عن إدارة مترو الأنفاق، قال إن وزارة النقل بتحاول تسهل على الجماهير الانتقالات من وإلى المدن والملاعب اللي بتقام فيها المباريات، وعشان مده هيتم مد فترة التشغيل ساعة إضافية في الخطوط التلاتة.

وأضاف عبدالهادي في تصريح لموقع "الشروق" إن بداية تشغيل المترو هتكون الساعة 5.30 صباحًا، ونهايته 2 بعد منتصف الليل، طول فترة البطولة.

وأكد أنه تم تجهيز عيادات طبية في كل المحطات بالخطوط التلاتة، لعلاج الحالات المرضية الطارئة، وإضافة 15 قطار إضافي للعمل وقت الذروة، عشان يتجنبوا الزحمة على أرصفة المحطات.