وزارة النقل هتفتتح النهاردة الجزء التاني من المرحلة الرابعة للخط الثالث الممتد من محطة النزهة 1 لحد محطة عدلي منصور بطول 7.8 كم.
ودي المعلومات اللي محتاج تعرفها عن المحطات الجديدة:
1- المشروع بيضم 6 محطات علوية منفذة عن طريق جسم علوي ممتد هم: "النزهة 1- هشام بركات - عمر بن الخطاب - قباء - الهايكستيب ومحطة عدلي منصور اللي موجودة جنب موقف العاشر، بحيث يتم ربطها مع مشروع القطار الكهربائى السلام ـ العاصمة الإدارية ـ العاشر من رمضان.
2- محطة النزهة 1 قام بتنفيذها تحالف فرنسى مصرى بتقوده شركة فينسى الفرنسية، أما بالنسبة للجزء التانى من المرحلة الرابعة من الخط الثالث الممتد من محطة هشام بركات بالنزهة لحد محطة عدلى منصور بالسلام تحالف من الشركات المصرية 100%.
3- المسافة بين محطة النزهة 1 وعدلي منصور 7 كيلومتر.
4- المشروع بالكامل منفذ في شكل جسم علوي، على عكس الشكل المعتاد لمترو الأنفاق الخط الأول والتاني.
5- محطة عدلي منصور، تعتبر واحدة من أكبر المحطات في الشرق الأوسط.
