اللواء عادل الغضبان، محافظ بورسعيد قرر يكافئ سكان عمارة 28 بمنطقة الأسراء بحي  الضواحي "عمارة حبيب الرحمن" ويديهم الفين جنيه لكل شقة، وده بسبب ظهور العمارة بشكل جمالي ومشرف بالجهود الذاتية لسكان العمارة.

محافظ بورسعيد قال إنه فخور بالسكان ومقدر جهودهم، وإنه هيقابل سكان العمارة يوم الحد عشان يشكرهم، وفي نفس الأطار هتعلن محافظة بورسعيد عن مسابقة أنظف شارع تحت عنوان "شارعنا نظيف" وهيتم اختيار أفضل شارع في كل حي، وهيتم تكريم الفائزين بجوائز مالية عشان يشجعه على نشر الوعي لتغيير الصورة الموجودة عن الشوارع وإعادة الوجه الحضاري للمحافظة.