مدرسة في بورسعيد عاملين مسابقة "The Voice" لأحلى صوت بيقرا قرآن
مدرسة أبو بكر الصديق للغات في محافظة بورسعيد، هتعمل نسختها الخاصة من برنامج "The Voice" لاختيار أحلى صوت، بس الصوت اللي بيقرا قرآن مش اللي بيغني. المدرسة أعلنت عن المسابقة من خلال صفحتها على فيسبوك. المسابقة هتشمل كل المراحل الدراسية، يعني المتسابقين من رياض الأطفال وابتدائي واعدادي وثانوي.
اللي عاوز يسجل هيقدم لإدارة المدرسة والتصفيات هتبدأ من الأسبوع الجاي، وكمان لجنة التحكيم هتكون من الأزهر الشريف، وهيتعمل حفل ختامي بجوايز هتعلن عنها الإدارة في المرحلة الجاية.