أول ماتش علي ستاد بورسعيد من ٦ سنين
يوم 1 فبراير 2012 كان اخر ماتش يتلعب على استاد بورسعيد بين الأهلي والمصري البورسعيدي، الماتش خلص واتوفى 72 مشجع من مشجعين الأهلي ومن ساعتها متلعبش ولا ماتش في الاستاد، النهارده -الخميس- تم فتح باب بيع تذاكر أول مباراة من 6 سنين واللي هتكون بين فريق المصري البورسعيد وفريق "جرين بافلوز" الزامبي في الدور التمهيدي للبطولة الكونفيدرالية الأفريقية.
إدارة النادي خصصت 14 منفذ لبيع التذاكر، وأعلنوا عن أسعار المباراة اللى بتبدأ بـ 50 جنيه لحد 500 جنيه، ومن الصبح الناس واقفة طوابير على شباك التذاكر.