قالت منظمة العفو الدولية إن عدد من العمال الأجانب اللي بيشتغلوا في منشآت كأس العالم 2022 بقطر، ماقبضوش مرتباتهم من شهور. المنظمة قدرت عدد العمال بالعشرات، وأضافت إنهم من لنيبال والهند والفيليبين لهم في ذمة شركة "مركوري مينا" الهندسية اللي شغلتهم في قطر، مبالغ توصل ل1700 دولار لكل شخص، وده حوالي راتب 10 شهور.

المنظمة أكدت إن عدم دفع المستحقات دمر حياة العمال، وطالبوا الحكومة القطرية إنها تتحمل الأزمة دي وتسدد المبالغ بنفسها للعمال. حسب تقرير المنظمة فعدد العمال اللي تم حصرهم 78، لكن بيعتقدوا إن العدد الحقيقي أكبر من كده وبيقدر بالمئات، والشركة اللي مشغلاهم دي توقفت عن دفع مرتباتهم من فبراير 2016. في رأي المنظمة، نظام الكفالة المتبع في قطر، واللي بيتيح للشركات منع عمالها من العمل لدى شركة أخرى أو مغادرة البلاد سمح بالاستغلال. 

من ناحيتها، ردت قطر على البيان من منظمة العفو، وقالت إن "ميركوري مينا" وقفت شغل في قطر وإن في تحقيق واحتمال الموضوع يترفع للقضاء، وأكدت الوزارة إن دولة قطر مش بتسمح بالنوع ده من الممارسات.