وزارة العمل في المملكة العربية السعودية، هتبدأ من النهاردة تطبيق نظام حماية الأجور إلزاميا -بالعافية- على أي مكان عمل فيه أكتر من 30 عامل. النظام ده كله معمول علشان يضمن إن العمال في كل الأماكن، ياخدوا مرتباتهم في ميعادها، خصوصًا بعد ما كانت مشاكل كتير بتحصل بين العمال وأصحاب العمل.

النظام الجديد هيخلي صاحب العمل يدفع غرامة 3000 ريال في حالة تأخيره للمرتبات، غير إن كل الخدمات اللي بتقدمها وزارة العمل للمنشأة دي، هتتوقف لو المنشأة مالتزمتش بتسليم أجور عمالها في خلال شهرين من تطبيق النظام، كمان المنشأة اللي تتأخر في دفع المرتبات 3 شهور، مسموح للعمال اللي فيها ينقلوا مكان تاني من غير ما ياخدوا إذن صاحب العمل.