حسب تقارير صحفية عالمية تناقلتها المواقع المصرية، دولة "مونتينجرو" أو الجبل الأسود قلدت ماركة السجاير المصرية "كليوباترا" وصنعت منها مليارات خلال ال6 سنين اللي فاتت. التقارير قالت إن مسؤولين في القاهرة ولندن وبروكسل حذروا من عمليات التقليد دي، خصوصًا إن "الجبل الأسود" هربت "كليوباترا" المتقلدة لدول تانية منها ليبيا ومصر، حسب موقع "بلقان إنسايت" الأوروبى المتخصص فى شئون دول البلقان.

الموقع قال إن السلطات في مصر وبريطانيا والاتحاد الأوروبي، بعتوا مراسلات سرية بيطلبوا توضيح الأمر، والصحفيين الاستقصائيين اتأكدوا إن الدولة متورطة في عملية تقليد المنتج المصري وسرقة العلامة التجارية. أما من الناحية التانية، المصنع المتورط في تقليد السجاير المصرية المحلية، قال إنه لم يرتكب أي مخالفات وإنه تعاقد مع شركة بحرية اسمها «Liberty FZE» لتصنيع النوع ده من السجاير.

العلامة التجارية لـ "كليوباترا" مملوكة لشركة الشرقية للدخان وبدأ تصنيعها سنة 1961 باقتراح من الرئيس المصري جمال عبد الناصر، اللي كان عاوز يعمل سجاير محلية.