بدأت أعمال إنشاء ووضع حجر الأساس لمتحف عمارة الأرض بواحة سيوة بمحافظة مطروح، بتمويل من الاتحاد الأوروبي ومجموعة نوعية البيئة الدولية، ويعتبر أول متحف متخصص في العمارة السيوية وأول متحف في سيوة.

المهندس رامز عزمي استشاري المشروع، قال إن تكلفة المشروع تقدر بحوالي 3 ملايين جنيه، ويؤرخ لعمارة سيوة وحصن شالي الأثري الفريد من نوعه على مستوى العالم وطرق بناء المنزل السيوي والخامات المتوفرة، ويعرض نماذج للخامات اللي كان بيتم استخدامها في البناء، مع صور لعرض الحياة قديمًا في سيوة وصور لقلعة شالي، بالإضافة لمكتبة بتضم كتب بتتكلم عن سيوة، وجزء من كتب الرحالة اللي اتكلموا عن سيوة مع عرض صور وخرائط.

المهندس عماد فريد استشاري المشروع، قال إن المتحف يعتبر منبر ثقافي بيدي انطباع عن الحياة في سيوة، ويتكون متحف عمارة الأرض بمدينة شالي من قاعتين بحيث تكون القاعة الأولى توثيقية وتسجيلية للحياة في سيوة والتانية بيتم عرض نماذج الخامات وطرق البناء فيها. كمان هيتعرض أفلام تسجيلية تشرح الحياة في سيوة وتاريخها من زمان ولحد النهاردة، وقاعة متعددة الوسائط بتضم أهم الأفلام اللي بتوثق تاريخ الواحة.