بدأت دار الإفتاء المصرية وحدة جديدة للفتاوي الصوتية القصيرة المصحوبة بالرسوم المتحركة "موشن جرافيك" عشان تستخدمها في الرد على الأفكار المتطرفة بطريقة سهلة.

الوحدة الجديدة هتكون بتعرض الأفكار المغلوطة وهترد عليها بطريقة سهلة، وبمناسبة المولد النبوي الشريف بدأت دار الإفتاء بفيديوهات بترد فيها على اللي بيحرموا الاحتفال بالمولد، أو شراء الحلوى، وبعد كده هيكون فيه مجموعة فيديوهات تانية للرد على دعاوي التكفير وقتل الأبراياء.

الدكتور إبراهيم نجم، مستشار مفتي الجمهورية، قال إن وحدة "الأنيميشن" جت بعد توصيات مؤتمر الأمانة العامة لدور الإفتاء في العالم اللي قال لازم نواجه الإرهاب بطرق وأساليب جديدة، وقال إن الوحدة الجديدة رسائلها هتوصل للشباب.