طابور السجل المدني وزحمته وتأخير وصول البطاقة مش هيبقى أزمة تاني، عشان بطاقة الرقم القومي تقدر تطلعها في ساعتين بس باستمارة الـ VIP، وهيكون عندك 3 اختيارات، بطاقة عادية بسعر 45 جنيه وهتاخد أسبوع، وبطاقة مستعجلة بسعر 120 جنيه وهتاخد 3 أيام، أو بطاقة VIP بسعر 170 جنيه وهتاخد ساعتين. 

وعشان تضمن إن البطاقة تطلع في ساعتين محتاج تتأكد إن معاك أصل شهادة الميلاد، اعتماد المهنة أو شهادة التخرج، أو ما يثبت وظيفتك، وثيقة الجواز في حالة الجواز، وتتصور الصورة السريعة وتستلم بطاقتك بعد ساعتين.