"حياة" أو "HayahBook" هو أبليكيشن أونلاين موجود على البلاي ستور، بيقدملك خدمة قراءة عدد كبير من الكتب بشكل مجاني وعلى موبايلك. "حياة" أشبه بدار نشر إلكترونية بتتعاقد مع كتب وتعمل منها نسخة أونلاين وتعرضها على موبايل أبليكيشن لكل الناس مجانًا. الأبليكيشن دلوقتي عليه حوالي 300 كتاب وبيخططوا في سنة 2021 إن عدد الكتب يوصل لـ1000.

اتواصلنا مع أحمد جلال، واحد من أصحاب المشروع، واللي قالنا إن: "حياة هي دار نشر إلكترونية مهتمة جدا بحقوق الكتاب، عشان كده كل الكتب الموجودة في التطبيق إما بنكون اشترينا حقوقها وعندنا تعاقد مع المؤلف أو بتكون كتب مر على وفاة المؤلف بتاعها أكت من 51 سنة وده بيخلي حقوقها مجانية حسب القانون المصري". وأضاف "جلال": "احنا كمان بنقي نسخ الكتب، يعني في كتب قديمة جدًا فبتكون النسخة بتاعتها فيها مشاكل، احنا بنعدل ده ونظبطه قبل ما نقدم الكتاب لمشتركين الأبليكيشن بتاعنا".

عشان تحمل أبليكيشن وتعرف تفاصيل أكتر زور صفحة "حياة" على فيسبوك من هنا