الفريق عبد المنعم التراس، رئيس الهيئة العربية للتصنيع، قال إنه اجتمع بالرئيس عبد الفتاح السيسي واتناقشوا في كل المشروعات اللي هتشتغل عليها الهيئة في الفترة الجاية، ومنها خطة إنتاج سيارات مصرية 100%. "التراس" أضاف في مداخلة مع برنامج "على مسؤوليتي" إن خلال الفترة الجاية هيتم تصنيع سيارات مصرية بمكونات مصرية.

"التراس" أكد إن مشروع التصنيع هيبدأ في 2019 بعد ما الدراسات الخاصة بيه تخلص، وإن نسبة المكون المحلي في المشروع مش هتوصل 100% في البداية بس هتزيد مع مرور الوقت لغاية ما نوصل للنسبة دي. وحسب كلامه فالسيارة هتنافس الماركات العالمية، عشان الهيئة العربية للتصنيع ماتدخلش مشروع غير لو كبير.