نشرت "سما رامي" اللي بتدرس في سنة تانية ثانوي، في صفحتها على فيسبوك، فيديو بتشكر فيه جمهورها واللي بيتابعوها، بعد ما نشروا رسالتها لوزير التربية التعليم، اللي بعتتها ليه عشان يحذف كلمة "البله المغولي" من كتاب الأحياء،

وقالت في الرسالة: "إلى الأب الحنون وزير التعليم، أنا سما رامي، عندي 16 سنة، أنا داون سيندروم وأنا بالصف الثاني الثانوي بمدرسة فيصل الخاصة نظام الدمج، نداء ورجاء حذف كلمة البله المغولي من كتاب الأحياء بالصف الأول الثانوي".

وتابعت: "احنا طبيعيين وكويسين وبنعرف نفكر وأنا بتعلم حلو وبغني وكمان في معهد البالية التعليم الحر، أرجو صوتي يوصل لمعاليك واتخاذ خطوات سريعة لتغيير المنهج وبالتالي تغيير نظرة بيدرس إننا بلهاء وعبط".

الرسالة نشرها ناس كتير جدًا على السوشيال ميديا، لحد ما في شخص قال إنه بعتها للوزير شخصيا، لكن لحد اللحظة دي مفيش أي رد رسمي من جهة الوزير أو الوزارة