The Four Biscuits، مبادرة لسه جديدة بتعلم الشباب إنهم يخبزوا منتجات خبزية زي البسكويت وبتبيعها على شبكة الإنترنت، وفي أسواق مختلفة. الفكرة في المبادرة إن كل الشباب اللي بيشتغلوا فيها وبيخبزوا المنتجات، من البنات المتعايشات مع متلازمة "داون". الشركة بتبيع بسكويت سادة وكوكيز بأسعار معقولة جدًا. 

المشروع بدأته ندى أحمد مع شيرين ونورا حمدي. ندى عندها أخت من المتعايشين مع متلازمة "داون" وهي اللي ألهمتها بفكرة المشروع. ندى" شافت إن أختها "سبا" بتبقى في حالة نشاط وهي مع صديقاتها من المتعايشين مع متلازمة "داون"، علشان كده شافت إن الطاقة ديه لازم تستغل في شغل، فبدأت المبادرة فى مايو 2017 بدعم من المؤسسة الثقافية الأوروبية.

"سبا أحمد" و "شيريهان حمدي" و "هايدي عادل" هما الثلاثي اللي بيخبزوا البسكويت، بس الباب مفتوح للمزيد من متحدي المتلازمة إنهم يشاركوا ويكبروا الشركة. لوعايز تعمل طلب من The Four Biscuits بتبعت رقمك وعنوانك على صفحتهم على الفيسبوك وهما بيوصلوا طلبك للمكان اللي أنت عايزه.

صفحة الشركة على الفيسبوك