صحيفة "ميل أون صنداي" البريطانية، نشرت تقرير بتقول فيه إن الغلماء اكتشفوا سر بناء أهرامات الجيزة. التقرير بيقول إن العلماء وصلوا لأدلة بتبين ازاي الفراعنة قدروا ينقلوا الأحجار الضخمة دي لممسافات طويلة ويرفعوها ويبنوا بيها. الحجارة اللي الفراعنة استخدموها في البنا، وزنها 2 ونص طن للحجر الواحد، ونقلوها مسافات طويلة، وكل ده حصل في حدود سنة 2600 قبل الميلاد.

كاتبة التقرير كلوديا جوزيف، بتقول إن الدراسات والبرديات أكدت إن الفراعنة استخدموا شبكة قنوات مائية شقوها من نهر النيل، علشان ينقلوا الأحجار لأماكن البناء. وضافت كمان إن آلاف من العمال المدربين، نقلوا 170 ألف طن من الأحجار عن طريق قوارب خشبية بتمشي في نهر النيل.

حسب الصحيفة، العالم الأثري مارك ليهنر، وصل لدليل على وجود مجرى مائي تحت هضبة الجيزة. البردية اللي استند عليها التقرير، تم اكتشافها في وادي الجرف، وبتضم يوميات كان بيكتبها واحد من المشرفين على عمال البناء، وبتحكي ازاي الأحجار اتنقلت من منطقة طرة لغاية الجيزة.