مجموعة بنات مصريات بدأوا ممارسة رياضة الباركور، اللي بتشمل ممارسة العدو والتسلق والقفز والوثب بشكل أكروباتي حوالين المباني وفي المناطق الخطرة. وبتتدرب مجموعة البنات بشكل مكثف من ستة شهور بهدف تشكيل أول فريق محترف للاعبات الباركور في مصر.

اللعبة في الأساس بدأت في فرنسا في التمانينيات كفن من فنون الانتقال من نقطة لنقطة تانية بأقصر طريق وفي أقل وقت ممكن. وشاركت في مصر عشر بنات يوم الجمعة 20 يوليو في يوم تدريبي ركزوا فيه على تعزيز قوة الجزء العلوي من الجسم وتطوير تقنيات جديدة للتعامل مع البيئة المحيطة واللي بيقابلوه فيها من تحرش ومضايقات.

"زينب محمد هلال" قالت في حوار لموقع "الحرة" إن لحسن حظهم التمرين يوم الجمعة مابيكونش زحمة فـ مابيقابلوش مضايقات أثناء التدريب، لكن في الأيام العادية بيحتشد الناس لمراقبتهم وفي أحيان كتير بيصوروهم بدون موافقتهم وهما بيتدربوا، كمِّلت حوارها وقالت "المارة لا يتقبلونهن لأنهم غير متعودين على رؤية الفتيات يمارسن الرياضة في الشارع، لكنها توقعت أن تنتشر الممارسة ويزداد القبول الشعبي لها".

المدرب "محمد عمران" قال إن الباركور بدأت فعلًا في الانتشار في المجتمع المصري، "عمران" عضو في فريق "باركور إيجيبت" اللي بدأ بعدد قليل من اللاعيبة وبقى دلوقتي بيدرب المئات في أنحاء مصر، حسب كلامه.