العيد قرب والعيد فرحة، بس في واحد تونسي عيده ماكانش فرحة خالص. مواطن تونسي كان ماشي في الشارع ووقع عليه خروف من الدور التالت. حسب اللي نشرته سكاي نيوز عربية، الخروف كان بيستعد علشان يندبح على العيد، بس وقع ازاي من مكانه في الدور التالت؟ كان عارف إنه هيندبح فحاول ينتحر مثلا؟! كل اللي نعرفه إنه وقع على الراجل المسكين وسببله جروح وإصابات كبيرة.

الحادثة حصلت في مدينة صفاقس التونسية، وعلى طول الحماية المدنية والإسعاف وصلوا وأنقذوا المصاب ونقلوه على المستشفى، وكان بيعاني من إصابات في الراس والضهر.