علشان بلاش نتكلم في الماضي، وعلشان الماضي ده كان كله جراح وربنا يستر على ولايانا، في موقع بيخليك تمسح تاريخك كله على النت بسهولة جدًا. الموقع بيخليك تشوف المواقع اللي اشتركت فيها أو ليك أكاونت بالإيميل بتاعك عليها، وتختار تمسحهم أو تفضل فيهم. الموقع بسيط وسهل، كل اللي محتاج تعمله هو إنك تفتحه وتسجل بالإيميل بتاعك، وبعد كدة هيظهرلك كل الحسابات اللي أنت عاملها في مواقع وناسيها، وبتختار عايز تعمل إيه فيهم.

ميزة الويب سايت ده إنه هيفكرك بأكاونتس غريبة ويرحمك من الإيميلات اللي بتوصلك من مواقع ممكن تكون مش فاكرها. الموقع آمن على حسب كلام "ويل داهلبو" و "لينوس" و "نيباك"، السويديين اللي قاموا بتصميمه، لأنهم بيستخدموا بروتوكول أمان جوجل والبرنامج بيحافظ على خصوصية المستخدم. الحاجة الوحيدة اللي تخاف منها هي المواقع اللي هتلاقي نفسك كنت مشترك فيها، أنا مثلًا لقيت منتدى mbc3...

لو عايز تجرب حظك، جرب الموقع من هنا Deseat.me